पथरी, कामना सेवा विकास बैंकले ८० औँ शाखाका रुपमा मोरङको पथरीमा कारोबार सुरु गरेको छ । बुधबार एक कार्यक्रमको आयोजना गर्दै कामना सेवाले आफ्नो कारोबार सुरु गरेको हो ।
राष्ट्रिय बैंकको मान्यता पाएपछि कामनाले देशैभर आफ्नो सेवा सुरु गर्ने क्रममा पथरीमा पनि कारोबार सुरु गरेकोे हो । नेपाल राष्ट्र बैंकबाट “ख” वर्गको मान्यता प्राप्त कामनाले पश्चिमी क्षेत्रमा बढि मात्रामा शाखा विस्तार गरिरहेको थियो । पछिल्लो समय कामनाले प्रदेश १ का अधिकांस ठाउँहरुमा हाखाहरु विस्तार गरिरहेको वैंकका प्रदेश १ प्रमुख सुजन छाराहाङले बताए । प्रदेश १ को विर्तामोड, दमक, उर्लाबारी र पथरीमा शाखा विस्तार भइसकेको छाराहाङले बताए । विहिबार मोरङको सुन्दरहरैँचामा ८१ औँ शाखाको सुभारम्भ हुने र चाँडै नै इटहरी, धरान, विराटनगर, केराबारी लगाएतका स्थानमा पनि शाखा विस्तार गरिने छाराहाङले बताए ।
सेवाग्राहीलाई सन्तुष्ट रुपमा सेवा प्रदान गर्नु बैंकको मुख्य उद्देश्य रहेको बैंकका कार्यकारी अधिकृत प्रविण बस्नेतले बताए । १२ वर्ष अघि स्थापना भएको यस बैंकमा हाल १५ हजार माथि सेवाग्राहीहरुलाइ ऋण प्रदान गरिएको बस्नेतले बताए । यसको हाल निक्षेप कर्ता २ लाख ५० हजार भन्दा पनि माथि रहेको बस्नेतले बताए । विशेष गरेर साना मझौला उद्योग व्यावसायलाई प्राथमिकता दिदै आएको बैंकले सरल रुपमा छिटो छरितो कर्जा प्रवाह गर्ने पनि बस्नेतको भनाइ छ । आगामी वि.स. २०८० सम्ममा देशै सबैभन्दा ठुलो बैंकका रुपमा विकास गरिने बस्नेतले बताए ।
भिडियो हेर्नुहोस
अतिथिका रुपमा रहेका पथरीशनिश्चरे १ का वडा अध्यक्ष बाबुराम एङ्देनले कृषिमा लगानी गर्न सुझाव दिए । नगरको बढि जनसंख्या कृषिमा आधारित रहेको हुदाँ कृषि क्षेत्रमा र युवाको स्वरोजगारका लागि वढि ऋण लगानी गर्नुपर्ने एङदेनले बताए ।
पथरीशनिश्चरेमा कामना विकास समेत गरेर १२ वटा बैंकहरु स्थापना भएका छन् । १२ वटा मध्ये कामना विकासले अपाङ्ग तथा वृद्धवृद्धा मैत्री वातावरणमा आफ्नो सेवा सुरु गरेको छ । सबै वैँकहरु भवनको माथिल्लो तलामा भएकाले अपाङ्ग र वृद्धवृद्धालाई समस्या भएरहेको थियो । कामनाको यो सेवासंगै अब पथरीमा मैत्रिपूर्ण रुपमा बैकिङ्ग सेवा सुरु भएको छ ।
