पथरी, म्यान अफ दि म्याच सनम धिमाल प्रेरित खेलमा सेभेन स्टार फुटवल क्लब पथरीमा जारी पथरीशनिश्चरे स्तरीय खुल्ला नकआउट फुटवल प्रतियोगिताको सेमिफाइनलमा प्रबेश गरेको छ । बिहिबार भएको खेलमा बुद्ध युथ क्लब लाई ६–३ गोल अन्तरले पराजित गरेको हो ।
पहिलो हाफ को ४ मिनेटमा धिमालले गोल गरेका थिए । १४ औं मिनेटमा बुद्ध युथका लागि देवराज गुरुङले गोल गर्दै बराबरी गोल गरे । खेलको २६ औं मिनेटमा सेभेन स्टारका लागि सनम भुजेलले दोश्रो गोल गरे । खेलको पहिलो हाफ सम्म २–१ गोल अन्तरले अघि रहेको सेभेन स्टार दोश्रो हाफमा ४ गोल गर्न पुग्यो । सेभेन स्टारका लागि धिमालले दोश्रो हाफको १४ र २७ औं मिनेटमा गोल गर्दै हेट्रीक पूरा गरे । भुजेलले खेलको २९ औं मिनेटमा गोल गरे भने सुरेश राइले इन्जुरी टाइममा गोल गरे ।
यता बुद्धका तर्फबाट दोश्रो हाफको २७ औं मिनेटमा सिजन तामाङ र ३० औं मिनेटमा सुरेश गुरुङले गोल गरेर अन्तर कम गरे । प्रतियोगिताको शुक्रबारको पहिलो सेमिफाइनल खेल आयोजक यलम्बर युवा क्लब र त्रिबेणी युवा क्लब बिच हुने आयोजकले जानकारी दिएको छ ।
यलम्बर युवा क्लबको आयोजना भएको प्रतियोगिताको बिजेताले २० हजार १११ नगद र ट्रफ्री र १० हजार १११ नगद ट्रफ्री प्राप्त गर्ने छ ।
