पथरी, सोमबार दिउसो ३ः३० मा मावा पुल मुनि एउटा बच्चा बेवारिसे अवस्थामा फेला परेपछि उर्लाबारीका नगरप्रमुख खड्ग फागोले उद्धार गरेका छन् ।
कसैले बच्चा पाएर छोडेर भागेको स्थानीयले प्रहरीलाई खबर गरेका थिए । बच्चालाई प्रहरीले उद्धार गरि गोदावरी हस्पिटल उर्लाबारी ल्याएको थियो । उर्लाबारी नगरपालिकाका मेयर खड्ग फागोले थप उपचार र बच्चाको उद्दारको लागि हाल नोबेल हस्पिटल विराटनगरलाई अनुरोध गरेर निशुल्क उपचारको व्यवस्था मिलाएका छन् ।
बच्चाको अवस्था एकदमै जोखिमपूर्ण रहेको जानकारी दिइएको छ । बच्चालाई आईसियुमा पनि राख्न पर्ने हुन सक्ने भन्दै नेवेल अस्पताल विराटनगर पठाइएको हो । बच्चालाई उपचार गरेर जसरी पनि उद्दार मेयर फागोले बताए ।
हाल बच्चाको आमा पनि सम्पर्कमा आएका कारण बच्चा र आमाको नै उपचार भइरहेको छ ।