भीमराज अधिकारी, पथरी
प्रधानमन्त्रि केपी शर्मा ओलीले विकासको अभियानमा जुट्न सबै नेपालीलाई आग्रह गरेका छन् । आइतबार मोरङको उर्लाबारी ३, मंगलबारेमा रहेको मदन भण्डारी प्रतिष्ठानको १८ औँ साधारण सभालाई सम्बोधन गर्दै ओलीले सो कुरा बताएका हुन् ।
सम्बोधनकै क्रममा ओलीले मदन भण्डारी इतिहांसकै हिरो भएको बताए । उनले आफ्नो उमेरको छोटो समयमा इतिहासमा नै सबैभन्दा उत्कृष्ट बिचार ल्याएका कारण आज पनि उनकै बिचारधारालाई सरकारले आत्मसाथ गरेर अगाडी बढेको बताए । अब चाँडै नै मदन भण्डारी विज्ञान र प्रविधि विश्व विद्यालय स्थापना गरिने पनि उनले बताए । ओलीले रजत जयन्ती वर्षको शुभारम्भ गर्दै मदन भण्डारी रजत जयन्ती स्मारक अनावरण, इन्जिनीयरिङ कलेजको उद्घाटन समेत गरेका छन् ।
