सजनाको ‘याद’ सार्वजनिक भिडियो सहित

सजनाको ‘याद’ सार्वजनिक भिडियो सहित

पोखरा : गायिका सजना बास्तोलाको ‘याद’ गीतको म्युजिक भिडियो सार्वजनिक गरिएको छ ।

पोखरामा आइतबार आयोजित कार्यक्रममा गायक कर्ण दासले सो गीतको म्युजिक भिडियो सार्वजनिक गरे । सार्वजनिक गीत सजनाकै अफिसियल युट्युबमार्फत हेर्न सकिनेछ ।

सारेगम इन्टरटेन्मेन्ट हाउसको प्रस्तुतिमा सार्वजनिक गीतमा सजनासहित भिडियो निर्देशक समेत रहेका सुशील नेपालीको अभिनय छ । भिडियोमा संगीत विनोद बानियाँको छ भने संगीत संयोजन विनोद रसाइलीको छ । गीतको छायांकन कास्कीको अस्तामको अन्नपूर्ण इको भिलेज, पञ्चेबाजा म्युजियम, काहुँडाँडा र पामे लगायत क्षेत्रमा गरिएको हो । म्यूजिक भिडियोलाई महेन्द्र पराजुली र सफल पौडेलले खिचेका हुन् ।

गायिका सजनाले आफ्नो गीतमा म्युजिक भिडियो सार्वजनिक गर्न पाउँदा खुसी लागेको बताइन् । २०७० सालदेखि संगीतमा लागेकी उनका यसअघि १ दर्जन गीत सार्वजनिक भइसकेका छन् ।

गायक कर्ण दासले पोखराले पछिल्लो समय राम्रा प्रतिभा जन्माएको उल्लेख गरे ।

कार्यक्रममा स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोला, नेपाल पत्रकार महासंघ कास्कीका उपाध्यक्ष विमला भण्डारी, राष्ट्रिय लोक तथा दोहोरी गीत प्रतिष्ठान गण्डकी अध्यक्ष सुरेन्द्र गुरुङ, संगीतकार विनोद बानियाँ, संगीतकार जयकुमार परियार, साहित्यकार दुर्गाबहादुर साह ‘बाबा’, युवा समाजसेवी राजन सुवेदी लगायतले बोलेका थिए ।

सम्बन्धित खवर

%d bloggers like this:
%d bloggers like this: