काठमाडौं : हालसालै रिलीज भएको थालापति विजय र विजय सेतुपतिको फिल्म ‘मास्टर’ ले लगातार सफलताको झण्डा उठाइरहेको छ । कोरोना भाइरसको महामारीका बीच यो फिल्मले धेरै पैसा कमाएको छ ।
फिल्म १२ तारिखमा दक्षिण र १४ तारिखमा उत्तर भारतमा रिलीज भएको थियो । यदि ट्रेड एनालिस्टलाई विश्वास गर्ने हो भने फिल्म ‘मास्टर’ विश्वव्यापी तहमा १०० करोड कमाउने फिल्महरूको सूचीमा सामेल भएको छ ।
यो फिल्मले अहिलेसम्म बक्स अफिसमा १०० करोड भन्दा बढी कमाइ गरिसकेको छ । फिल्मले तमिलनाडुमा सर्वश्रेष्ठ प्रदर्शन गरेको छ ।फिल्मको ५० प्रतिशत राजस्व तमिलनाडुबाट मात्र आउँदैछ ।
तमिलनाडुपछि फिल्मले आन्ध्र प्रदेश र तेलंगानाबाट राम्रो प्रदर्शन गरेको छ । यद्यपि शुरुको दिनदेखि नै फिल्मको कमाई अलि ढिलो भएको छ, तर कोरोना युगका अनुसार यो पनि पर्याप्त छ । रिपोर्टका अनुसार फिल्मले हालसम्म यसको लागतको ४५ प्रतिशत पुनस् प्राप्ति गरिसक्यो ।
केरला, कर्नाटक, आन्ध्र प्रदेश र तेलंगानामा, फिल्म वितरक ब्रेक पोइन्टमा पनि पुगेको छ । अर्थात त्यहाँ न त लाभ छ न घाटा । मास्टरको आम्दानीले देखाउँदछ कि मानिसहरू लामो समयदेखि सामूहिक मनोरन्जन फिल्मको लागि पर्खिरहेका छन् । यसको साथ यो फिल्म कोरोना पछि युएईमा सबै भन्दा राम्रो प्रदर्शन गर्ने फिल्म भएको छ । यसले ‘वंडर वुमन १९८४’ र ‘टेनेट’ लाई पनि पछि पारेको छ ।
मास्टरको कमाई :
पहिलो दिन ४२ करोड, दोस्रो दिनमा २३ करोड र तेस्रो दिनमा १८ करोड रुपैयाँ कामएको छ । यसै हिसाबले यस फिल्मले शुक्रवार सम्म करिब ८४ करोड रुपैयाँ कमाएको छ । यसमा शनिबारको आंकडा सामेल छैन ।
