अमरदह, मोरङको सुनवर्षी २ अमरदह बजारमा रहेको युएन मोबाइल पसल चोरी गरेको आरोपमा एक युवकलाई प्रहरीले पक्राउ गरेको छ ।
असोज ४ गते बिहिबार राती पसलको छानो तोडफोड गरेर पसल चोरी गरेको आरोपमा सुनवर्षी ३ कट्टरडाँगीका २१ वर्षीय सुनिल दर्जीलाई पक्राउ गरेको हो । दर्जीलाई इलाका प्रहरी कार्यालय रंगेलीमा राखेर अनुसन्धान भइरहेको छ ।
पसल सञ्चालक नारायण पाठकका अनुसार बिहिबार साँझ ८ बजे पसल बन्द गरेर घर गएका थिए तर राति अचानक पसलमा कोही पसेको भनि फोन आएपछि पसल पुग्दा छानो फोडेर चोरी गरेको फेला परेको हो । पसलबाट कति मोबाइल हराए भन्ने यकिन छैन् तर ३ वटा ल्यापटप र टेम्पर ग्लासमा भने क्षति पुगेको छ ।
