पथरी, मोरङको पथरी शनिश्चरे नगरपालिकाको प्रमुख प्रशासकीय अधिकृतको रुपमा आउनुभएका शशी राईलाई नगरपालिका कार्यालयमा एक कार्यक्रमको आयोजना गरी स्वागत तथा परिचयात्मक कार्यक्रम सम्पन्न गरिएको छ ।
नगर प्रमुख मोहन प्रसाद तुम्वापो, उप–प्रमुख देवीमाया काफ्ले, लेखा प्रमुख पिताम्वर वस्ती, शिक्षा शाखा प्रमुख शालिग्राम काफ्ले, वडा नं. २ का अध्यक्ष नैना राई र नगरपालिकाका कर्मचारीको समूहले प्रमुख प्रशासकीय अधिकृत राईलाई स्वागत गरेको हो ।
नगरपालिकाका कर्मचारी लुकनाथ पोख्रेलले सञ्चालन गर्नुभएको स्वागत कार्यक्रम पश्चात् परिचयात्मक कार्यक्रम पनि गरिएको थियो । यस्तै अधिकृत राईले पदभार ग्रहण गर्नुका साथै नगरको शाखाहरुको अनुगमन निरीक्षण गर्नुभएको छ ।
