पथरी, मोरङको पथरीशनिश्चरेमा फागुन १९ देखि हुने इन्ट्रा नेशनल वेलफेयर एण्ड सपोर्ट फाउन्डेसन अफ अमेरिका पथरीशनिश्चरे फुटबल प्रिमियर लिग २०७८ को खेल तालिका सार्वजानिक भएको छ ।
सार्वजानिक खेल तालिकामा ग्रुप ‘ए’ अन्तर्गत फागुन १९ गतेको उद्घाटन खेल वाई.जी.एफ.टी. र शिखर एफ.सी. बीचको खेल हुनेछ । यस्तै फागुन २० गते १० नवोदय एफ.सी. र वाई.एफ.सी. बीच खेल हुनेछ ।
यसैगरी क्रमशः ग्रुप ‘बी’ अन्तर्गत फागुन २१ गते देविगञ्ज र सिरिजंघा एफ.सी., फागुन २२ गते न्यू स्टार एफ.सी. र द रियल ब्रदर्श, ग्रुप ‘ए अन्तर्गत फागुन २३ गते वाई.जी.एफ.टी. र १० नवोदय, फागुन २४ गते शिखर र वाई.एफ.सी., ग्रुप बी अन्तर्गत फागुन २५ गते देविगञ्ज र न्यू स्टार, फागुन २६ गते सिरिजंघा र द रियल ब्रदर्श, ग्रुप ए अन्तर्गत फागुन २७ गते १० नवोदय र शिखर, फागुन २८ गते वाई.जी.एफ.टी. र वाई.एफ.सी., ग्रुप बी अन्तर्गत फागुन २९ गते न्यू स्टार र सिरिजंघा, फागुन ३० गते देविगन्ज र द रियल ब्रदर्श बीच खेल हुनेछन् ।
यसैगरी चैत्र २ गते पहिलो सेमिफाइनल खेल ग्रुप ‘ए’ को विजेता र ग्रुप ‘बी’ को रनरअप बीच प्रतिष्पर्धा हुनेछ भने दोस्रो सेमिफाइनल खेल चैत्र ३ गते ग्रुप ‘बी’ को विजेता र ग्रुप ‘ए’ को रनरअप बीच खेल हुनेछन् । यस्ते लिगको फाइनल खेल चैत्र ५ गते शनिबार हुनेछ ।
प्रतियोगिताको विजेता टिमले २ लाख ५१ हजार, उपविजेताले १ लाख ५१ हजार र ट्रफी प्राप्त गर्नेछन् । यस्तै अन्य विधागततर्फ बेष्ट गोलकिपर, बेष्ट डिफेन्स, बेष्ट मिड फिल्डर, बेष्ट फरवार्ड, हाई स्कोर, बेष्ट कोच, राइजिङ प्लेयरले ७ हजार ५ सय र ट्रफी प्राप्त गर्नेछन् । यसैगरी प्रतियोगिताको उत्कृष्ट खेलाडीले नगद १२ हजार ५ सय र ट्रफी प्राप्त गर्नेछ । खेल सुरु भएपछि आयोजकले ८ वटै क्लबलाई तयारीका लागि नगद रु. ३५ हजारका दरले रकम प्रदान गरिने आयोजकले जानकारी दिएको छ ।
