काठमाडौं । पहिलो डिभिजन श्रेणीको युइएफए नेसन्स लिग फुटबल अन्तर्गत ग्रुप डिको स्विटजरल्याण्ड विरुद्धको खेलमा सुरुवातमा लिएको अग्रता जोगाउन नसक्दा जर्मनी फेरि बराबरिमा रोकिन पुगेको छ।
स्विटजरल्याण्डको घरेलु मैदानमा सम्पन्न खेलमा जर्मनीले खेलको १५ औं मिनेटमा म्यान्चेस्टर सिटिबाट व्यवसायीक फुटबल खेल्ने इल्काइ गुन्डोआनको गोलमा अग्रता लिएको थियो। गुन्डोआनको गोलपछि उत्कृष्ट खेल प्रदर्शन गरेको जर्मनीले गोल गर्ने अवसर बनाएपनि सदुपयोग गर्न सकेन। उसका जुलियन ड्राक्सलर तथा लियोरि सानेको प्रहारलाई विपक्षी गोल रक्षकले विफल बनाइदिएका थिए।
मध्यान्तर पछि सानेको ठाउँमा जुलियन ब्रान्डिटलाई मैदान पठाएको जर्मनीले अपेक्षा अनुसार प्रदर्शन गर्न सकेन। स्विटजरल्यान्डले खेलको ५७ औं मिनेटमा विडमारको गोलमा खेल बराबरि गर्यो। यसपछि दुबै टिमबाट कुनै गोल हुन सकेन र खेल १ १ को बराबरिमा सकियो।
यो बराबरि सगै जर्मनीले दुइ खेलबाट २ अंक जोड्दै तालिकाको तेस्रो स्थानमा छ।उ भन्दा माथि युक्रेन दोस्रो तथा स्पेन तेस्रो स्थानमा छन् ।
