विराटचोक, कोरोना भाइरसको जोखिम बढ्दै गएपछि मोरङको सुन्दरहरैँचा नगरपालिका पनि पूनः लकडाउन गर्ने निर्णय गरिएको छ । मंगलबार बसेको कार्यपालिका बैठकले विहिबार देखि ९ दिनका लागि लकडाउन गर्ने निर्णय गरेको हो ।
२२ गते बिहीबारदेखि ९ दिनका लागि होटल, ब्युटीपार्लर, सैलुन, फुटसल, जिमखाना, हटिया, बजार, सार्वजनिक यातायात लगायत अत्यावश्यक काम बाहेकका सवारीहरु बन्द हुने भएका हुन् ।
त्यस्तै, नगरपालिका कार्यालय र वडा कार्यालयबाट हुने सेवाहरू बन्द गर्ने निर्णय गरेको नगरप्रमुखको निजी सचिवालयका निरज न्यौपानेले बताए । अत्यावश्यक काम हुनेले मास्क लगाएर मात्र हिँड्न पाइने बताइएको छ । न्यौपानेका अनुसार हाललाई साउन ३० गते सम्मका लागि मात्रै लकडाउन गर्ने निर्णय भएको छ ।
