पथरी, मोरङको पथरी शनिश्चरे-१० का चक्रबहादुर खड्काको माेटरसाइकल दुर्घटनामा परि मृत्यु भएकाे छ । साेमबार विहान ९ बजे दुर्घटनामा परेका खड्काको उपचारका क्रममा दिउसाेे २ बजे नाेबेल मेडिकल कलेज बिराटनगरमा मृत्यु भएकाे इलाका प्रहरी कार्यालय पथरीका प्रमुख दिलिप गिरिले जानकारी दिए ।
पथरी शनिश्चरे १ का हेमचन्द्र बास्तोलाले चलाएकाे बा ६९ प ७४५ नं. काे माेठरसाइकलले साइकलमा यात्रा गरिरहेका खड्कालाई ठक्कर दिएकाे थियाे ।
सोमबार बिहान साढे ९ बजे पथरीबाट शनिश्चरे जाने भित्री सडकमा दक्षिणबाट उतर आउँदै गरेकाे मोटरसाईकलले उतरबाट दक्षिण जाँदै गरेका साईकलयात्री खड्कालाई ठक्कर दिदा खड्का गम्भिर घाईते भएका थिए । टाउको पछाडि पट्टी चोट लागी रगत निकै बगेर गम्भिर घाईते भएका खड्काको उपचारकालागि बास्तोलाले नोवेल अस्पताल बिराटनगरमा तत्काल पुर्याएका थिए ।
मोटरसाईकल चालक पथरी शनिश्चरे नगरपालिकाकी उपप्रमुख यमुना (बिष्ट) बास्तोलाका श्रीमान हुन् । हेमचन्द्रलाई प्रहरीले नियन्त्रणमा लिएको जनाइएको छ ।
