पथरी शनिश्चरे
मोरङको पथरीशनिश्चरे नगर क्षेत्रमा कोरोना भाइरस जोखिम न्यूनिकरणका लागि नगरका १० वटा वडामा गठित ‘प्रहरीको साथी म’ मा आवद्ध युवाहरुलाई नगरपालिकाको तर्फबाट सेनिटाइजर वितरण गरिएको छ ।
नगर उपप्रमुख एवम् कोरोना भाइरस जोखिम न्यूनिकरण समन्वय समितिकी सदस्य यमुना विष्ट वास्तोलाको अगुवाइमा सदस्य यामप्रसाद गुरागाईं सहितको टोलीले कोरोना भाइरसको संक्रमणबाट बच्न हातमा लगाउने किटनाशक सेनिटाइजर वितरण गरेको हो । ‘प्रहरीको साथी म’ मा आवद्ध १०/१० युवालाई यसअघि वितरण गर्न बाँकी रहेका ४, ५, ६, ७, १० सहितका वडामा सेनिटाइजर सहित मास्क पनि वितरण गरिएको छ ।
यसक्रममा, टोलीले लकडाउनको अनुगमन् गरेको छ । नगर उपप्रमुख वास्तोला तथा नगरका प्रमुख प्रशासकीय अधिकृत सहित प्राविधिकको टोलीले पथरी उद्योग वाणिज्य संघको निर्माणाधिन भवनको पनि अनुगमन् गरेको छ ।
