मोरङ, सप्तरीको कञ्चनरुप गाउँपालिकामा जीप दुर्घटना हुँदा रेडियो नेपालमा कार्यरत पत्रकार डायलसन अधिकारीको मृत्यु भएको छ । दुर्घटनामा चार जना घाइते भएका छन् ।
बा १६ च २२३५ नम्बरको जीप शनिबार बिहान पूर्वपश्चिम राजमार्गअन्तर्गत कञ्चनरुप नगरपालिका ११ मा बक्साहामा दुर्घटना भएको हो ।
३५ वर्षीय अधिकारी रुपन्देहीको तिलोत्तमा नगरपालिका ३ का हुन् । घाइतेमध्ये चालक अशोक भण्डारीको अवस्था गम्भीर रहेको प्रहरीले जनाएको छ । घाइतेहरुलाई उपचारका लागि विराटनगर ल्याइएको छ ।
पत्रकार अधिकारीसहितको टोली तिलोत्तमा नगरपालिकाले आयोजना गर्न लागेको लगानी सम्मेलनका लागि आउँदै गरको जनाइएको छ ।
