झापाको गौरादह –१ मा माटोको ढिस्कोले पुरिएर एक बालकको मृत्यु भएको छ। निर्माणाधिन अवस्थामा रहेको नालीमा खेल्ने क्रममा माटोको ढिस्कोले पुरिएर स्थानीय सात वर्षीय सुमन कर्मकारको मृत्यु भएको हो ।
बुधबार साँझ खेल्ने क्रममा ढिस्कोले पुरिँदा गम्भीर घाइते भएका सुमनलाई उपचारका लागि दमकस्थित लाईफ लाइन अस्पताल पठाइएको थियो । उपचारको क्रममा राति उनको मृत्यु भएको इलाका प्रहरी कार्यालय गौरादहले जनाएको छ।
