एजेन्सी : लुइस सुआरेजले बार्सिलोनाले मेस्सीसंगको सम्बन्धको कारण आफुलाई क्लब बाहिर पठाएको बताएका छन् ।
उनले मेस्सीसंग आफुलाई छुटाउन बार्सिलोनाले क्लब बाहिर निकालेको उल्लेख गरेका हुन् ।
बार्सिलोनाले कोरोना भाइरसका कारण वित्तिय अवस्था खराब बनेपछि खर्च कटौतीको रुपमा उरुग्वेका फरवार्डलाई अन्यत्र क्लब जान आग्रह गरेको थियो ।
‘त्यहाँ धेरै विरोधाभाष छन् ।’ उनले इएसपीएनलाई भनेका छन्, ‘यदी एक वित्तिय समस्या थियो र यदी यो खेलको मुद्धा थियो भने म समाधान गर्न चाहन्थे । तर उनीहरुले मलाई बाहिर पठाउने निर्णय किन लिए भनेर प्रष्ट बनाएनन् ।’
सुआरेजलले भने, ‘लाग्छ, उनीहरु मेस्सीसंग मलाई छुटाउन चाहन्थे । मेस्सीसंगको मेरो सम्बन्धका कारण उनीहरु निराश थिए । उनीहरु चाहदैन थिए कि मेस्सी मसंग रहु । टिमलाई घाटा हुने निर्णयको मैले कुनै कारण भेटेको छैन ।’
‘हामी मैदानमा लगातार एक आपसको खोजी गर्दथ्यौ । किनकी त्यो टिमका लागि आवश्यक थियो । हुन सक्छ, उनीहरु मेस्सीलाई अरु खेलाडीसंग धेरै खेलेको हेर्न चाहन्थे । यसले केही हुन सक्थ्यो । हामीलाई छुटाउने मैले कुनै कारण भेटेको छैन । किनकी हामी मैदानमा निकै राम्रोसंग खेलेका थियौ ।’ सुआरेजले भने ।
निकै तनावका बीच सुआरेजले बार्सिलोना छाडेका थिए । त्यसअघि मेस्सीले पनि बार्सिलोना छाड्ने चाहेको आफ्नो निर्णय सुनाएका थिए ।
‘उनीहरुले मेस्सीले क्लब छाड्ने निर्णयको सम्मान गर्नु पर्दथ्यो ।’ सुआरेजले भने ।
मेस्सीको बार्सिलोनासंगको सम्झौता सन् २०२१ मा सकिदैछ । गत महिनामात्र उनले आफुले क्लब छाड्न चाहेको बताएका थिए ।
सुआरेजले सिजनको अन्त्य अघि क्लब अध्यक्ष नयाँ चुनिएको खण्डमा मेस्सीले क्लबसंगको सम्झौता नविकरण गर्न सक्ने बताए । वर्तमान क्लब अध्यक्ष जोसेप मारिया बर्टोमेउसंग मेस्सीको तिव्र मतभेद छ ।
‘मेस्सीलाई आफु बार्सिलोनामा रहनुको अर्थ थाहा छ ।’ उनले भने, ‘उनले क्लबलाई यस्तो चिज दिए जसको तपाई कल्पना गर्न सक्नुहुन्न । उनी नम्बर एक हुनुको नाताले सबैभन्दा धेरै खुसी हुन आवश्यक छ ।’
‘उनी अर्को क्लबबाट खेल्ने सम्भावना पनि छ । तर यदी नयाँ बोर्ड आएको खण्डमा उनले सहज र खुसी पनि महशुश गर्न सक्छन् । उनी क्लबमा रहन चाहन्छन् । साथीसंग बस्न चाहन्छन् । यदी त्यहाँको अवस्था राम्रोसंग अघि बढ्यो भने उनी खुसी हुन सक्छन् । तर उनी अर्को क्लबमा जान पनि सक्छन् ।’ उनले भने ।
मेस्सी र सुआरेजले क्लबका अध्यक्ष बर्टोमेउ र बोर्डको आलोचना गरेका थिए ।
सुआरेजले आफुले समेत बार्सिलोनामा अझ पनि सम्मानको साथ व्यवहार गर्नका लागि अधिकार आर्जन गरेको बताउँछन् ।
