इटहरा : मोरङको रतुवामाई नगरपालिका वडा नम्बर १० मा पैनीमा डुबेर एक पुरुषको मृत्यु भएको छ ।
रतुवामाई–१० का अमर श्रेष्ठको घरमा काम गर्दै आइरहेका ४० वर्षीय सोम सतारको मंगलबार पैनीमा डुबेर मृत्यु भएको हो ।
इलाका प्रहरी कार्यालय सिजुवाका प्रहरी निरीक्षक मोहन रायमाझीले पानी बगिरहेको पैनीमा डुबेर मृत्यु भएको अवस्थामा उनको शव भेटिएको जानकारी दिनुभयो । रायमाझीका अनुसार सतार सोमबार दिउँसो घुँगी खोज्न भन्दै आफूले काम गर्ने घरबाट निस्किएका थिए ।
नफर्किएपछि खोजी गर्ने क्रममा पानी बगिरहेको पैनीमा डुबेर मृत्यु भएको अवस्थामा मंगलबार स्थानीय बासिन्दाले शव फेला पारेको प्रहरीले जनाएको छ ।
