राजेन्द्र महतो, लहान
सिराहाको गोलबजार नपाबाट आफ्नै घरमा राखेर लागूऔषध बिक्री वितरण गर्दै आएका स्थानीय एक जनालाई प्रहरीले पक्राउ गरेको छ । पक्राउ पर्नेमा सिरहाको गोलबजार नगरपालिका १ का ३३ बर्षीय अरुण कुमार पुर्वे रहेका छन् ।
उनलाई आफ्नै घरमा बिक्री वितरणको लागि लागूऔषध लुकाई छिपाई राखेको अवस्थामा प्रहरीले घरबाट पक्राउ गरेको जिल्ला प्रहरी कार्यालय सिरहाले जनाएको छ । साहले आफ्नै घरमा बिक्री वितरणको लागि लुकाई छिपाई राखेको अवस्थामा लागूऔषध ब्राउन सुगर जस्तो देखिने प्लाष्टिकको पोकामा धुलो पदार्थ तौल गर्दा १ ग्राम ३०० मिलिग्राम र लागु औषध गाजाँ प्लाष्टिकको पोकामा ५५ ग्राम १४० मिलिग्राम समेत बरामद गरिएको जिल्ला प्रहरी कार्यालय डिएसपी (प्रवक्ता) बिनोद घिमिरेले जानकारी दिए ।
पक्राउ परेका पुर्वेलाई इलाका प्रहरी कार्यालय गोलबजारमा राखी थप अनुसन्धान कार्य भइरहेको छ ।