डोटी, फागुन, १०
सुदूरपश्चिमका अधिकांश पहाडी तथा हिमाली जिल्लाहरुमा भारि हिमपात शुरु भए सँगै चिसो बढेर यँहाकाे जनजिवन प्रवाभित भएको छ ।
बिहीबार रातिदेखिको मौसममा आएको परिवर्तनका कारण डोटी लगायत सुदूरपश्चिम प्रदेशका पहाडी तथा हिमाली जिल्लामा बिहानदेखि भारि हिमपात शुरु भएको छ ।सुदूरपश्चिमका पहाडी जिल्लामा छैटौँपटक हिमपात भएको हो ।
सुदूरपश्चिमको प्रमुख पर्यटकीयस्थल खप्तडमा मात्रै आज बिहानदेखि हिमपात शुरु भएको खप्तडमा तैनाथ रहेको नेपाली सेनाको गुरुगोरख गुल्मले जानकारी दिएको छ । गत्त माघ २० गते परेको हिउँ पग्लिन नपाउँदै फेरि हिमपात भएपछि जनजीवन प्रभावित बनेको खप्तड राष्ट्रिय निकुञ्जको कार्यालयले जनाएको छ ।
बझाङ, बाजुरा तथा अछामका उच्च लेकाली क्षेत्रमा बिहानदेखि भारि हिमपात शुरु भएको बताइएको छ । खप्तडस्थित झिग्राना, पानीखाल, शिखर, गोवडालेक, बडीकेदारथान लगायतका उच्च पहाडी क्षेत्रमा हिमपात भई चिसो बढेको छ ।
